Secret Weapon - Kevin Freeman

download now

donation free to:
Bank Mandiri
no.rek 1540010832867  an. Ronald Edison .B
paypal : rpapua8@gmail.com

Influence Marketing How to Create, Manage, and Measure Brand Influencers in Social Media Marketing - Danny Brown

download now

donation free to:
Bank Mandiri
no.rek 1540010832867  an. Ronald Edison .B
paypal : rpapua8@gmail.com

How the Secret Changed My Life_ Real Story People - Rhonda Byrne

 download now

donation free to:
Bank Mandiri
no.rek 1540010832867  an. Ronald Edison .B
paypal : rpapua8@gmail.com

Dila Petele, Petele Leput

Jadi ada pace satu nih de pu kebun lemon ka jeruk ka ini. Begini pas su mo panen, tapi karna rawan pencuri jadi pace ko pasang papan kecil di pohon.... Tapi karna papan terlalu kecil jadi trabisa tulis panjang panjang. Terpaksa pace ko tulis begini...
"Dila Petele, Petele Leput" yang artinya "Dilarang Petik Lemon, Petik Lemon Leher Putus"

Sesuai Dorongan

Ada pace Jawa dan pace Serui dong dapa borongan penggalian tanah untuk tanam kabel telpon.
Trus setelah selesai gali dong dua mulai masukan kabel telpon lalu kubur.

Karna galiannya su jauh skali jadi pace Serui de cape lalu sandar di gulungan kabel sambil de bilang... Swaii... doro... mas...
Mas karna tratau pace serui pu bahasa jadi de tanya :
Pace... swai doro tuh de pu arti apa ka?.
Trus pace Serui ko jawab santai : Oh itu artinya... Sesuai dengan de pu dorongan mas...

Jalan Ke Jawa

Ada pace satu de kawin dengan mbak Jawa satu, trus dong jalan-jalan ke Jakarta, baru dong dua pi liat-liat SeaWorld,
jadi sementara dong dua liat-liat begini tiba-tiba ikan hiu bokar muncul... Ale... Pace de kaget sampe tra jadi baru de batariak...
Pace : Be... Yoksna...
Mace : Ihh... papi malu-maluin aja...
Pace : Malu-maluin mada, ponggir beja bo kaca picah nanti dark au...

Beli Sepeda

Ada anak kecil satu di kampung nih. De nih su lapar skali jadi de panggil de pu bapa...
Anak : Bapa... bapa...
Pace : Iyo... anak ada apa?
Anak : Ini bapa... sa ada seribu... bapa ko tolong beli sepeda ka...?
Pace : Bah... anak ko bagaimana nih.. masa seribu bias pake beli sepeda tuh...?
Anak : Bo bapa... sepeda tuh selera pedas... supermi toh...
Pace : ??!!

Jalan Ke Surga

Satu hari begini ada anak kecil satu de ketemu dengan Papen (Pak Pendeta) di jalan.
Begini Papen tanya anak kecil itu...
Papen : Anak... ko tau kantor pos di mana ka???
Anak : Oo kantor pos itu nanti bapa jalan saja sampe ke depan trus belok kiri...
Papen : Oo jadi jalan trus baru belok kiri eee. Iyo sudah trima kasih e anak...
Begini besoknya hari minggu jadi Papen mau ke gereja, trus de ketemu anak kecil itu lagi...
Papen : Anak mari ko ikut bapa ke gereja, nanti bapa tunjukkan jalan ke surga...
Anak : Mama yooo... jalan ke kantor pos saja bapa ko tidak tau, apalagi jalan ke surga???
       bapa ko pasti lebih tidak tau lagi...

Masuk Surga

Ada anak SD kelas satu, de paling nakal di kelas eeee...
Satu hari begini dong belajar agama. Jadi pak guru tanya dong smua...
Pak Guru : Anak-anak... kam sapa yang mo masuk surga ayo angkat tangan...!!!
Anak-anak dong semua baku lomba angkat tangan tinggi-tinggi ka ini... baru dong smua batariak...
"Pak guru... sa mo masuk surga... pak guru saya... pak guru saya...!!!"
Tapi anak yang nakal nih de sante saja... tra mo angkat tangan.
Pak guru heran kenapa de tra angkat tangan, jadi pak guru tanya dia...
Pak Guru : Wei... kenapa ko tra angkat tangan???? Ko tra mo masuk surga ka???
Anak : Sa malas masuk surga... sa bapa suru sa masuk tentara saja...

Angin Besar

Pace satu ni de lagi asyik pancuri kangkung. De ambil su banyak skali. Bikin kaya de yang tanam saja...
Pas de lagi laju petik-petik kangkung begini orang yang punya datang...
Yang Pu Kangkung : Ehh... kurang ajar nih, ko bikin apa??? pancuri sa pu kangkung to???!!!
Karna su dapat tangkap basah, jadi pace pancuri su trada kata-kata, terpaksa de bilang...
Pancuri : Aduh... bapa... ini tadi ada angin besar jadi sa tahan di kangkung...

Ikan Kuah Kuning

Mace satu ni, de rumah tiap hari rame dengan acara gaple, biasa de pu laki deng laki pu teman-teman dong. Setiap de pangil de punya laki, de pu laki jawab "sabar"...

jang ganggu tong dulu sa ada main rame nih..."
Mace ganas jadi mace de atur rencana, satu kali begini dong main sampe siang jadi pace lapar bunuh, pace ke belakang mau cari makan jadi de tanya mace...
Pace : Mama ada makanan ka?
Mace : Iyo... ada di atas meja tu ko makan sudah...
Pace tra tunggu lagi langsung pace timba nasi, ale pace kasi nasi saja gunung, Pace ko ke meja makan buka tudung makanan langsung pace bilang "Boh ikan kuah kuning

e..." Pace siram kuah fol, pas pace mau timba isi yang de kira ikan ni, pas pace angkat begini yang naik gaplek 6 balok dengan 1 balok..!
Ale pace pu menyesal saja, su lapar baru mau makan begini bukan ikan kuah kuning tapi gaplek kuah kuning...

Berenanglogi

Ada tete sama de pu cucu. Cucu nih mahasiswa di Jawa. Satu kali de ada pulang ke kampung, jadi de ikut tete cari ikan...
Cucu : Tete... ko tau Biologi ka???
Tete : ... (cuma goyang kepala saja)
Cucu : Baru Sosiologi???
Tete : ... (cuma goyang kepala saja)
Cucu : Kalo Antropologi???
Tete : ... (cuma goyang kepala saja, tapi tete su mulai ganas ka)
Sampe tengah laut baru tete yang balik tanya de pu cucu...
Tete : Baru cucu ko tau pelajaran Berenanglogi ka???
Cucu : Tra tau tete...
Tete: Kalo tenggelamlogi??
Cucu : ... (goyang kepala) Tra tau juga tete...
Tete : Yo... kalo ko tra tau pelajaran Berenanglogi, nanti ko Tenggelamlogi trus ko Matilogi...

Mata Besar

Ada pace satu, de pu nama Lukas. Satu kali begini de deng de pu sodara Matius pi ke Gereja ka ini. Minggu pertama dong du pi ibadah, pendeta pu khotbah terambil dari kitab LuKas... Minggu kedua pendeta pu khotbah dari kitab Lukas juga. Minggu ketiga juga sama. Pace Lukas su tersinggung skali... tapi de tunggu sampe minggu depan, kalo pembacaan AlKitab buka dari Lukas lagi brarti pace de marontak. Ternyata betul, pas minggu keempat pembacaan Alkitab dari Lukas lagi... Pace Lukas de berdiri, trus de mulai bicara...
Lukas : Pak Pendeta, su beberapa minggu berturut-turut nih sa ikuti tapi kenapa tong tinggal buka kitab Lukas trusss... sa tersinggung, sa pu nama juga Lukas... macam trada kitab lain saja... Pak pendeta ko tra lihat sa pu sodara Matius mata besar ini kah???!!!

Fajar Utama

Jadi ada mace satu de dari Jakarta mo ke Jogja ikut de pu anak pu wisuda. Dari rumah dong pesan klo su sampe di stasiun Gambir tuh naik kereta Fajar Utama karna berangkat pagi ka ini. Setelah mace ko sampe di Gambir langsung de ke loket baru tanya petugas yang jaga...
Mace : Mbak... ada jual tiket Arwo Utama ka?
Mbak : Arwo utama? waduh klo Arwo utama nggak ada bu... yang ada cuma Fajar Utama...
Mace : Yooo... Arwo Utama ka Fajar Utama ka... itu sudah...

Kelihatan

Pace satu nih de baru kuliah di Jawa. Satu malam begini, orang-orang di kompleks tempat pace ko tinggal aa kejar pancuri... Trus pace nih kebetulan baru pulang dari kampus... Baru jalan yang de lewat nih baru saja pancuri lewat situ. Tapi pace de tra sempat baku dapar deng pancuri... Jadi, pas de jalan sante-sante begini de kaget skali ada orang banyak lari trus tanya dia...
Mas : Mas lihat orang yang tadi lewat sini gak??? dia itu maling, lihat gak??
Pace : Ah masa...??? Aduhhh.. aku gak kelihatan...
*padahal de pu maksud itu "Aku gak lihat"

Pokok Anggur

Ada pace satu de beli anggur baru de panggil de pu teman 2 orang. Yang satu kerja di PLN, trus yang satu lagi bagian pembangunan jalan. Dong tiga duduk siram sampe meter miring... Tra lama pace yang kerja di PLN de angkat suara...
Pace PLN : Akulah terang dunia
Pace Pemb. Jalan : Akulah jalan kebenaran dan hidup
Pace yang pu anggur : Akulah pokok anggur yang benar dan kamulah ranting rantingnya...

Email

Bapa satu ini ada duduk baca koran. Begini de dengar de pu anak ada telpon de pu pacar yang ada di Jawa sana...
Anak : Iyo, nanti sa kirim sa pu foto lewat Imel (*maksudnya Email to) sudah...
Bapa ko dengar begitu trus mulai angkat bicara...
Bapa : Anak eee... Ko stop bawa-bawa Markus pu anak perempuan sudah (Markus pu anak perem nama Imel). Ko mo suruh de bawa ko foto ke Jawa toh. Ko kira jawa tuh dekat ka???
Anak : Bapa... yang sa maksud tuh bukan Imel tapi Email...
Bapa : Ah... Bapa cuma tes ko saja to. Bapa juga su tau mo... Email itu kapal udang yang ada transit di pelabuhan tooo???

Pesan Terakhir Yakob

Yakob sakit parah di RS. Keluarga undang Pendeta berdoa. Waktu Pendeta mendekat tiba-tiba napas Yakob langsung sesak, tangan gametaran...

Tindis Logat Jakarta Hancur

Insos 2, donk jalan-jalan di Mall Plaza Semanggi.
Banyak orang jadi dong dua tindis logat Jakarta hancur.
Mery dan Lince, dong dua pu nama..
Mery de curhat tentang de pu pacar Ateng..
Mery : "Lin, aku lagi sebel nih. Lo tau kan, gue tuh sayang banget sama Ateng.
            Tapi, semalem gue lihat Ateng jalan sama cewe laen, udah gitu pake pegangan tangan en ciuman   
             segala lagi,  apa nggak yoksna tuh??"

Lince : "Wooww Merry!! Itu sih mah yoksna buanget tuch!!"

Surat Cinta Penjual Buah vs Penjual Sayur